E debe externo Nicaragueño a cera na 11.666,6 miyon di dollar na 2018, loke ta ekivalente pa 88,9% di e producto interno bruto (PIB), Banco Central de Nicaragua (BCN) a informa diamars pasa.
E autoridad monetario a indica den un informe cu e total di e debe, 5.949,6 miyones di dollar, ta coresponde pa e debe di e sector publico, y 5.717 miyones di dollar pa e debe di e sector priva.
E debe externo total a aumenta na 150,7 miyones di dollar, es decir, 1,3% den comparacion cu aña pasa, e banco a detaya.
E sector mas importante di destino di e desembolso di debe externo tabata pa intermediacion financiero (38,3%), comercio (28%), coriente, gas y awa (16,1%) y administracion publico (5,2%), di acuerdo cu e informe.
E economia di Nicaragua a ser contrai na un 3,8% na aña 2018, den comparacion cu 2017, principalmente pa motibo di e crisis socio-politico cu a explota na april di aña pasa, segun e Banco Central.
Banco Central a calcula primeramente, un expansion di entre 4,5% y 5% pa 2018, pero como resultado di e crisis, e perspectiva a baha te 1% di e PIB.
Di su parti, e Fondo Monetario Internacional (FMI) a pronostica cu e economia di Nicaragua lo contrae na un 4% na 2018, cu tabata afecta pa e crisis interno.
E gobierno di Daniel Ortega ta proyecta un decrecimiento di -1,01% e aña aki, segun datonan oficial.
E prevision pa 2019 ta di otro contraccion entre 7,3% y 10,9% segun e Fundacion Nicaragueño no gubernamental pa e Desaroyo Economico y Social (Funides), un centro di pensamento independiente.
