Un persona a cuminsa tira y 11 persona a keda herida na Canal Street, un bario Frances di New Orleans, conoci pa su bida nocturno prome, cu 3:30am.
Dos victima a keda hospitalisa y ta den estado critico, un cu herida den pecho y otro den torso. Polis di New Orleans. Shaun Ferguson a confirma cu un persona di interes ta deteni. El a enfatisa cu no ta cla ki rol, si algun, e persona di interes tabatin den e tiramento.
Polis a bisa cu nan tabata algun meter for di e sitio, y inicialmente a pensa cu tabata tirando riba nan, pero no tabata sigur di unda e tironan tabata bin. No ta conoci detaye di e motibo di e tiramento. Investigacion ta tumando luga mientras detectivenan ta tumando declaracion di testigo y evaluando video di vigilancia cerca di Canal Street.
No a revela ainda e identidad, edad y genero di e victimanan, pero autoridad a informa cu ningun polis a resulta herida. Den un principio a informa cu a hiba 10 victima hospital. Pero recientemente a aumenta e total na 11 persona, cu a transporta den auto priva.
Un testigo, Kenneth Culbreth, a describi e escena cu el a mira ora cu e tabata saliendo for di un botica CVS na Canal Street. El a tende tiramento, cu ‘tabata asina hopi cu mi no por a conta’.
