(AP) – Netflix a keda di acuerdo pa paga mas di 55.8 miyon euro pa aregla un problema relaciona cu impuesto na Milan, segun fiscalnan a reporta diabierna.
E pago ta cubri gastonan di impuesto, penalidadnan y interes di october 2015 te cu aña 2019. E servicio di programa online tambe a estalbece un entidad Italiano e aña aki, cual lo determina su impuesto na Italia basa riba subscripcion di residentenan di Italia, e fiscalnan a bisa.
Fiscalnan na Milan a bisa cu e investigacion a ser treci dilanti pa e presencia fisico di Italia den e infrastructura tecnologico, incluyendo 350 server, cu tin e meta di produci ganashi.
Netflix a ricibi e areglo aki cu e fin di cubri e añanan di impuesto for di aña 2015 te cu aña 2019.
“Nos a coopera cu e autoridadnan durante e investigacion aki, y manera semper nos ta laga cla, nos a actua den tur cumplimento cu e ley di impuesto di Italia y internacional,” Netflix a expresa den un declaracion.
Netflix oficialmente a habri un oficina na Roma anteriormente e luna aki, unda cu e ta emplea mas o menos 70 persona.
