(Emol.cm) – Energia di biento y solo lo abastece pa 100% e ocho fabricanan di Nestlé na Chile. Di e manera aki, e empresa multinacional ta bira e prome empresa di consumo masivo di e tipo aki y su ‘carbon footprint’ ta keda reduci na 35%.
Nestlé Chile, conhuntamente cu Enel, e compania di energia electrico mas grandi di Chile, a anuncia e certificacion di e prome empresa di consumo masivo cu ta acredita cu tur su plantanan di operacion ta abasteci cu Energia Renovable No Convencional (ERNC). E plan di certificacion ta abarca e fabricanan na Macul, Maipú y Teno, cu ta uza 80% di e energia total cu e empresa ta consumi na Chile. E acreditacion despues lo continua na e plantanan di Graneros, San Fernando, Cancura, Los Angeles y Llanquihue. Di e manera aki, pa mita di 2018 e totalidad di e fabricanan di e multinacional lo ta operando solamente cu energia limpi.
“Ta un motibo di orguyo observa cu tanto den sector publico como priva, ta tumando iniciativa asina importante pa e calidad di bida di e poblacion y su trahadonan,” Andrés Rebolledo, ministro di Energia a comenta. E ministro a señala cu ‘como gobierno, nos a haci un esfuerso pa cambia nos base energetico, y cu empresanan manera Nestlé ta preocupa pa cumpra energia limpi, ta demostra cu cuida nos medio ambiente ya no ta algo idealista, sino cu awor e ta un necesidad’.
Di parti di Enel a enfatisa cu a crea y otorga un certificacion unico riba mercado Chileno, cu ta inclui un seyo berde cu ta reconoce y acredita cu e empresanan ta abasteci di energia renovable no convencional. Ademas di fomenta un politica di ‘cero residuo’ “loke ya ta cumpli den nos fabrica na Graneros,” e presidente ehecutivo di Nestlé Chile, Pablo Devoto, a sigura. Di e forma aki, e gigante Suizo ta converti su mes den e empresa cu ta certifica e mayor cantidad di energia, alcansando 141.300 MWh pa aña, ora cu 100% di su fabricanan ta operando cu ERNC, ekivalente na consumo di 562.200 vivienda, similar na e comunidadnan di Santiago, Maipú y Puente Alto hunto.
