Mediador di Gobierno, sr. Anselmo Pontilius a bisa cu e negociacion di contracto colectivo (CAO) den empresa of institucion grandi ta tras di lomba, entre nan hospital, Setar, Elmar, Aeropuerto, SABA…
Pero ainda tin algun asunto laboral pendiente entre nan den departamento di produccion di WEB N.V. caminda e trahadonan a pidi referendum pa medio di sindicato STA.
Den sector hotelero tambe varios CAO a keda firma entre nan na Hilton Hotel, y otro hotelnan grandi a bin cla caba. Pero ainda na Bucuti hotel nan CAO lo vence na luna di december venidero. Tambe na Banco di Caribe sindicato FTA tin cu negosha un CAO nobo, ya cu esun ultimo a vence na luna di juni ultimo.
