Prome minister demisionario, Evelyn Wever-Croes, ta hay’e importante pa negocia cu Hulanda riba e pago back di e sumanan grandi cu a fia for di Hulanda. Segun e acuerdonan cera anteriormente, lo mester tuma un decision pa cu esaki na april di aña 2022. Esaki segun informacion publica riba website aruba.nu.
Mirando e comentarionan critico di Colegio di Supervision Financiero CAFT tocante e falta di un presupuesto pa e aña aki, gobierno ta bisa cu no por haci nada riba esaki. “Awo ta turno di Parlamento. Nan tin tur e informacion.” Segun e website di noticia, Wever-Croes a bisa di no ta spera cu Parlamento lo actua riba presupuesto a corto plaso, mirando eleccion cu ta planea pa aki apenas dos siman, riba dia 25 di juni. Despues di esey, ta spera un periodo di formacion cortico. “Riba dia 9 di juli un Parlamento nobo ta asumi su cargo y esey lo mester cuminsa traha inmediatamente riba e presupuesto.”
Wever-Croes tin speransa cu Secretario di Estado demisionario pa Asuntonan Interno y Relacionnan di Reino, Raymond Knops, tin comprension pa e situacion na Aruba. El a declara cu lo papia cu Knops dentro di poco.
