Un nave automatico di suministro Ruso, hibando tonelada di suministro, exitosamente a lansa ayera na caminda pa Stacion Espacial Internacional.
E Progress nave di cargo MS-13 a despega segun schedule pa 2:34pm riba un raket Soyuz for di compleho espacial Ruso na Baikonur, Kazakhstan.
Exitosametne el a drenta den un orbita designa preliminar, y ta prepara pa dock cu e outpost espacial dialuna.
Progress ta hibando como 3 ton di cuminda, fuel y suministro na e stacion espacial, cual actualmente tin seis astronauta a bordo – Andrew Morgan, Jessica Meir y Christina Koch di NASA; e Italiano, Luca Parmitano di Agencia Espacial Europeo; y Alexander Skvortsov y Oleg Skripochka di Rusia.
Militar Ruso ta test vehiculo di maniobra espacial den orbita.
Militar Ruso a conduci un experimento ayera, involucrando maniobra un vehiculo espacial den orbita.
Un satellite chikito a separa for di e ‘plataforma espacial’ di e carrier, segun ministerio di Defensa a bisa den un declaracion, agregando cu e vehiculo ta transmiti imagen pa evalua e ‘condicion tecnico’ di otro satellite Ruso, como parti di e experimento. A describi e test como parti di un esfuerso andando pa check condicion di satellite.
Oficialnan Mericano a expresa preocupacion tocante experimentonan Ruso den pasado cu maniobra satellite, bisando cu intencion di Moscu ta incierto.
E ministerio anteriormente a reporta e lansamento dia 26 di november di e vehiculo espacial Kosmos-2542, describi como un ‘plataforma multi funcional espacial’ pa monitor satellite.
Varios otro satellite ‘inspector’ Ruso a ser lansa anteriormente cu e mesun proposito declara y nan a realisa test di orbita.
