E organisacion militar North Atlantic Treaty Organization (NATO) ta evaluando un peticion di e autoridadnan militar pa manda mas soldaat pa Afghanistan. Lo haci un decision riba e escala y embergadura di e mision den e simannan cu ta bin, secretario general Jens Stoltenberg ta bisa diaranson. E peticion pa locual Stoltenberg a bisa tabata “algun miles di soldaat” mas ta refleha e alarma biniendo for di paisnan Europeo riba e situacion di seguridad na Afghanistan, invasion di teritorio door di militantenan Taliban como tambe sucesonan envolviendo ciudadanonan y miembronan di militar. Nato tin ya caba 13,450 agente militar na Afghanistan, incluyendo 6,900 personal militar Mericano, kende ta train e forsanan arma di Afghan pa eventualmente tuma over e defensa y seguridad di e pais.
