E Problematica di pobresa na e islanan HulandaCaribense tin Nacionale Ombudman y Ombudsman pa mucha hopi preocupa. Otro instancianan manera Colegio pa derechonan Humano y UNICEF regularmente ta pidi atencion y ta enfatisa pa percura pa necesidadnan primario ta un derecho basico social.
Esaki ta un derecho basico cu Hulanda Caribense tambe mester sigura. Segun e rapport ta bisa cu no obstante esfuersonan di gabinete pa mehora e posicion di entrada di habitantenan y pa baha costonan di bida, tur dos ombudsman ta mira poco progreso na e islanan den Caribe.
E situacion di pobresa a pone cu a start un investigacion tematico amplio di pobresa na Hulanda Caribense. E investigacion ta consisti di tres investigacion, parcial y similar. Tres grupo di habitantenan vunerabel di Hulanda Caribense:
1. Hende cu tin derecho riba AOV cu ta biba rond di of di nivel di pobresa.
2.Adulto hoben vunerabel cu unabes cu nan haci diesocho aña ta para nan so.
3. Mayornan soltero cu ta biba den pobresa cu nan yiunan.
Nacionale Ombudsman y Ombudsman pa mucha a combersa cu hobennan di edad di 16 pa 23 aña. Reuniendo cu e hobennan por a scucha kico ta loke nan ta confrontando den nan bida diario. E resultado di e combersacion cu e hobennan a resalta cu mayoria di nan a lanta cu medionan financiero limita y na momento cu nan yega na e edad di 18 aña nan ta keda pega.
E bishita di Nacionale Ombudsman na e islanan a resalta cu a mira tiki posibilidad pa hobennan sigui desaroya, apenas tin actividad of nan no tin modo pa paga esakinan. Tambe e hobennan cu no por a wanta e presion y a desvia di caminda e posibilidadnan ta bira hopi mas menos y te hasta nan no ta haya trabao nunca mas. Loke cu tambe a resalta ta cu pa e hobennan di Hulanda Caribense sigui studia ta hopi dificil paso parcialmente nan ta obliga di haci esaki pafo di Hulanda Caribense debi cu e islanan no ta asina avansa cu por duna nan e posibilidad aki.
Esnan cu ta bay afo pa bay studia y busca un miho futuro hopi biaha ta regresa cu un debe cu sea nan no por paga of cu nan por paga cu hopi dificultad. E situacion aki tambe ta pone cu e hoben ta sali for di e isla y cu ta pone cu nan no ta regresa e islanan bek.
E adulto hoben den Caribe tin tiki oportunidadnan di sali for di pobresa y duna nan bida un forma di moda cu nan por desaroya completamente den direccion di nan bida adulto.
Aunke mayornan ta responsabel na prome luga pa nan yiunan. E gobierno Hulandes tin e tarea pa caminda ta necesario sostene e mucha y hoben den e posibilidad di crece y desaroya completamente den nan bida. E obligacionnan ta sigui for di tratado internacional encuanto e derecho di mucha “InternationaalVerdragInzage de rechter van het kind (IVRK)”. Banda di esaki gobierno Hulandes ta acepta e sustainable Development Goals (SDG) manera Nacionnan Uni, Den e IVRK ta menciona un cantidad di derecho di mucha cu ta relata directamente of indirectamente na e lantamento den pobresa.
Mirando e impacto amplio di pobresa riba e bida y oportunidadnan pa desaroyo di hende y especialmente hobenan, e prevencion y combatimento di pobresa y e efecto di bida di mucha y adulto ta un meta importante.
Cu e investigacionnan aki ta reta instancianan di gobierno pa pensa solucionnan creativo pa combati pobresa bou di mucha y hoben na Hulanda Caribense.
