(AP) – E Union Europeo a acepta di cuminsa cu negociacionnan di miembresia cu Ucrania y Moldova, marcando otro paso den e nacionnan cu caminda largo pa move mas cerca na occidente y disminui Rusia su influencia.
Belgica, cual actualmente tin e presidente di Union Europeo, a bisa cu e estadonan miembro a keda di acuerdo pa cuminsa cu dialogo dia 25 di juni na Luxembourg.
Ucrania a aplica pa uni na e bloke menos di un siman despues cu Rusia a invadi e pais den februari di 2022, y lidernan den e union a actua cu velocidad den haci esaki un candidato den juni di e aña ey. Sinembargo e proceso a keda bay mas y mas poco poco desde e tempo aki, y miembresia, si e yega, lo tuma añanan y te hasta decadanan.
Toch, e dialogo di apertura ta manda otro señal fuerte di solidaridad cu Ucrania ademas di e sosten financiero grandi cu e bloke ta provee na e nacion.
Lidernan di e bloke di 27 nacion a keda di acuerdo aña pasa cu negociacionnan mester cuminsa cu ambos Ucrania y Moldova. Esaki tabata un acuerdo politico necesario y diabierna su movida ta crea e base pa e dialogonan aki cuminsa tuma luga.
Pa uni na e Union Europeo, e paisnan candidato mester pasa door di un proceso largo pa alinea nan leynan y nan standard cu esun di e bloke y cumpli cu un cantidad di condicionnan politico y economico, incluyendo un compromiso na ley y otro principionan democratico. Ucrania, por ehempel, lo mester combati corupcion den gobierno y adopta otro reformanan.
Ucrania ta un di varios pais cu tin hopi tempo cu e deseo di uni na Union Europeo, mirando esaki como un caminda pa rikesa y stabilidad. Mientras cu e Union Europeo no ta un aliansa militar manera NATO, miembresia den e bloke tambe ta mira pa algun como ofrece proteccion contra influencia di Rusia.
Moldova a mira cu nervio e invasion di su bisiña. Den varios biaha a acusa Rusia di a conduci un guera “hibrido” contra e pais, incluyendo acusa Moscu di a influencia eleccionnan local y di ehecuta campañanan di mal informacion pa purba desacredita e gobierno y stroba su caminda pa uni na e Union Europeo.
Russia a nenga e acusacionnan sinembargo e gobierno di Moldova ta permanece cu duda pa cu Moscu su intencionnan.
