(Infobae) – Departamento Administrativo Nacional di Estadisticonan (DANE) di Colombia ayera mainta a revela cu pa september di 2022 e variacion anual di indice di Prijsnan di Consumidor (IPC) tabata di 11,4% y e variacion pa luna di 0.93%, for di januari te cu september el a yega na 10.08%. segun e entidad aki a reporta.
E sectornan di ganaderia, agricultura, piscamento, industrianan manufacturero, entre otro, a presenta variacionnan superior. Di otro banda, sector di explotacion di mina ta e unico cu a registra un variacion negativo.
Variacion anual di IPC pa loke ta trata cuminda y bebida no alcoholico a haya un 26,62%. Aros a subi cu 33,60% webonan 30,91% tomati y fruta fresca 29,91%. Cu un representacion di 0,84% punto porcentual e indice total anual di september di 2022, e coriente a subi cu 27,29%. Na otro region como Santa Marta, Sincelejo, Valledupar, Montería, Riohacha, Cartagena y Barranquilla e variacion a aumenta hasta cu 40%.
E cifranan registra a wordo pronostica pa expertonan den Finansa. Segun encuesta di lunanan tocante expectativanan cu a wordo realisa pa Banco di Republica, tabata espera cu pa september por a haya un aumento di inflacion di 0,71%.
Munir Jalil, economista y hefe di e banco pa region Andino, a revela cu loke nan ta mira specificamente di e datonan di luna ta cu desafortunadamente e prijsnan di cuminda no kier baha y nan ta sigui wak un inflacion di cuminda di 1,4%. “Esey ta un mal noticia, e mester ta mas abou, pero den memey di e fenomeno La Niña, tur e parti di frutanan y berdura ta wordo afecta negativamente y esey ta perhudica nos”.
