Un general a cargo di Ministerio di Salud na Brasil. Na Ecuador, Chile y Peru a impone un estado di excepcion. Polis di Buenos Aires ta pidi mehora di salario. E morto di un abogado na man di polis a causa mal contento di ciudadanonan na Bogota.
Ademas, un operativo contra un fiesta clandestino a termina cu 13 morto na Lima. Na Mexico, Gobierno ta apoya Ehercito pa casi tur cos. E medidanan extraordinario contra plamamento di e virus Covid-19 a duna como un protagonista inespera e polis y militarnan. Cu e memoria fresco ainda di e dictaduranan di añanan 70 y 80, e forsa di siguridad awor ta presenta como garantia di orden, y specialmente eficiente.
E papel protagonista di e uniformado, sinembargo, ta lanta desconfiansa pa e consecuencianan den futuro cu nan por haya despues di tanto poder.
E necesidad di control social a empodera e armanan. E fenomeno ta igual den e region, pero ta sigui como patronchi cu e agentenan cu uniforme a tuma control di e cayanan. “Na e paisnan na unda Forsa Arma ya caba tabatin un rol importante como Brasil, Mexico, Peru, Bolivia y Colombia, e coronavirus a profundisa e rol ey.
Otro pais na unda sin duda e Forsa Arma a adkiri mas dominio ta Mexico, unda e agentenan nunca tabatin e peso di otronan den e region. E presidente, Andrés Manuel López Obrador a pasa di defende den campaña pa nan bay back den cuartel pa via di su fracaso den e guera conoci contra narcotrafico, pa duna nan e control di varios instancia di Administracion, como Aduana y wafnan. Durante e pandemia, Forsa Arma tabata esun encarga di desaroya hospitalnan di campaña y distribui ekiponan medico pa henter e pais. Ademas, a duna nan un presencia mayor den cayanan, cu Guardia Nacional, e cuerpo crea y cu un cambio di legislacion cu ta permiti nan pa actua den asuntonan di siguridad publico.
