Diahuebs mainta, autoridadnan a ricibi alarma di un persona cu lo a sufri di un sobredosis na Boegoeroei. Inmediatamente a dirigi polis y ambulance na e residencia.
Na momento cu polis a yega, ya ambulance tabata na e sitio dunando asistencia. A bira conoci cu e victima a sufri un sobredosis pa motibo di a consumi un substancia, y no tabata duna señal di bida. A pidi presencia di dokter mientras polis a pidi presencia di slachtofferhulp, pa motibo cu famia di e victima tabata den mal estado di animo y cu hopi dolor debi na e suceso.
Dr. Texier a constata morto di e victima M.S.S.H. naci na aña 1995.
