E impacto economico di e pandemia ta birando mas severo. Na ciudad di Buenos Aires, e sector gastronomico por ehemplo ta calcula cu durante juli por lo menos 2000 negoshi a cera di forma definitivo, aunke e crisis lo por ta mayor den proximo lunanan.
Sector turistico, otro di e actividadnan mas golpia pa efectonan di e cuarentena, ya tin e siguransa cu 2020 lo ta e pio aña, cu perdidanan miyonario. Pero cu e obhetivo di reactiva esey, a pone caba den marcha distinto accionnan, como e creacion di un agencia integra pa sector publico y priva pa crea strategianan.
Segun informacion di Observatorio di Ente Turistico porteño, den e prome seis luna di aña, e turismo a haya un caida di 64% cu a aumenta na periodo di januari-augustus ora e disminucion a logra e 73% den e cual e ciudad a perde di recauda por lo menos 1 biyon dollar pa concepto di biahenan di e biaheronan. E ceramento di frontera aereo y e prohibicion di mobilisacion den henter e pais pa causa di e pandemia a provoca e caida fuerte, despues di tres aña continuo di tendencia halto.
Na 2019 casi 10 miyon persona a biaha na Buenos Aires, principalmente den epoca di vakantie of pa bishita e famia. Tabatin 6.940.000 biahero nacional y 2.930.000 stranhero (e cantidad mas halto den ultimo 11 aña) cu a laga 250 miyon dollar. E provincia di Litoral y Cordova a aporta e cantidad mayor di bishitantenan, mientras cu Brasil, Merca, Canada y tur Europa a haci na nivel internacional.
E prome medida pa reactiva e actividad di un sector golpia pa via di restriccionnan di mobilidad tabata e autorisacion pa cu hotelnan porteño por cuminsa ricibi nan bishitantenan, cumpliendo cu protocol sanitario elabora pa Ministerio di Salud di e ciudad, cu mester continua tratamento medico na ciudad of pa esunnan cu obligacion laboral. Di 1.206 hotel habilita pa habri, 22 so a hacie, un dato cu ta mustra e escenario actual.
