Pyongyang (ciudad Capital na Norte Korea) ta declara cu e hoben di 22 aña a wordo trata bao di reglanan internacional, despues cu su mayornan a condena e trato cu el a haya na Norte Korea. E pais a nenga di a tortura e studiante Mericano cu tabata deteni pa mas cu 1 aña y despues fayece. El a wordo libera den un coma anto algun dia despues di esaki el a muri.
E respondi,publica door di (KCNA) Korean Central News Agency, tabata Pyongyang su prome reaccion riba e morto di hoben Otto Warmbier.E regimen comunista a libera e hoben siman pasa pa motibonan humanitario anto el a fayece dialuna den un hospital na Merca.
Warmbier a wordo sentencia na 15 aña di prizon cu labor grandi despues cu aña pasa el a admiti na purba di horta un borchi di propaganda di e area ‘staff only’ na un hotel cu e tabata kedando.
Autoridadnan a sospecha mesora cu e por ta un espia Mericano, y cu lo ta purbando di perhudica e imagen/cultura di e pais.
