North Korea a laga sa dialuna cu nan a conduci un ‘mid-to-long-range’ test di misil exitoso, anto cu lo continua cu esaki ‘unda cu ta, ki ora cu ta’, desafiando resolucion y advertencia di consulado di seguridad di Nacionnan Uni y Merca. North Korea, kende regularmente ta menasa pa destrui Merca cu furia di candela, a yega di acusa Washington pa pusha e Korean peninsula den direccion di guerra nuclear. Agencia di noticia KCNA na North Korea a bisa cu e testnan di diadomingo ultimo a verifica e calidad di e ‘warhead’, cual ta pone cu e arma por sobrevivi bao di ‘e pio situacionnan’ y detona cu precision.
