(AP) – Tesla lo construi un vehiculo specificamente pa usa como robotaxi, y lo cuminsa traha 3 vehiculo nobo proximo aña, CEO Elon Musk a conta fanaticonan na un fiesta unda cu a celebra e apertura di e fabrica na Texas.
Musk no a duna mas detaye tocante e robotaxi ademas di bisa cu e lo mustra “bastante futuristico.” Tambe el a bisa cu Tesla lo cuminsa cu fabrica di e pickup Cybertruck na su fabrica nobo na Austin Texas, otro aña y despues di esaki e lo cuminsa crea un “Roadster” y “electric semi”.
El a revela e plannan aki diahuebs anochi na “Cyber Rodeo at Giga Texas,” un fiesta cu entrada di invitacion so pa miles di invitado na Tesla su fabrica nobo. Mas o menos 15,000 persona a ser invita na e evento priva cu a ser crea pa marca e apertura di e fabrica nobo cu tambe lo ta e compania su base nobo despues cu el a muda fuera di California.
Musk a bisa cu e evento diahuebs anochi cu tambe a ser pasa live riba YoutTube cu Tesla lo entrega e prome Model Y Small SUV crea na e fabrica nobo, cual e ta bisa por crea mita miyon di e SUV pa aña.
E compania ta e fabricante di vehiculo electrico mas grandi na Merca y mundialmente tambe.
