(AP) – Elon Musk ta bisa cu e tin 46.5 biyon dollar den finansa pa cumpra Twitter, poniendo presiohn riba e compania su administracion pa negocia un trato.
Siman pasa, Musk a anuncia un oferta pa cumpra e plataforma di rednan social pa mas o menos 43 biyon dollar. Na mesun memento, e no a bisa con e lo financia e adkisicion.
E CEO di Tesla a bisa diahuebs den documentonan entrena na U.S Securities Regulators cu e placa lo bini di Morgan Stanley y otro banconan, algun di nan sigura cu su bienes den e compania di vehiculo electrico. Twitter te ainda tin cu responde formalmente na Musk su oferta, pero e compania a implementa un medida conoci como ‘poison pill’ cu lo por haci un intento di completamente tuma mando di e compania hopi caro.
E compania a bisa den un declaracion diahuebs cu nan a ricibi Musk su proposicion actualisa y “informacion nobo tocante un financiamiento potencial” y a bisa cu su administracion ta “comprometi pa conduci un reviso delibera, profundo y cu hopi cautela.”
Musk, ken actualmente tin 9 porciento di bienes di Twitter, a indica cu e ta explorando loke ta conoci como un oferta suave, den cual Musk lo purba cumpra bienes di otro shareholder pa un cierto prijs riba un cierto fecha, cual no mester pasa door di e administracion. Si suficiente shareholder keda di acuerdo, Musk por usa esaki pa e administracion retira e defensa contra su oferta di 43 biyon dollar.
Sinembargo Musk te ainda no a dicidi si e lo haci esaki.
E defensa di ‘poison pill’ por significantemente aumenta e costo di e adkisicion. Si un persona adkiri 15 porciento di e bienes den e compania, esaki lo causa un gran pago pa e shareholders cual lo por causa cu Twitter lo bay bancarota.
Otro banconan involucra den Musk su financiamiento ta Barclays, Bank of America, Societe Generale, Mizuho Bank, BNP Paribas y MUFG. Morgan Stanles ta un di Twitter su shareholders mas grandi despues di Vanguard Group y Musk.
