(AP) – Den 3 dia despues cu Elon Musk a yega crea un trato den cual el a cumpra Twitter, el a bende mas o menos 8.5 biyon dollar den bienes di Tesla pa yuda yega na fondo pa e compra aki.
Musk a reporta e benta di 9.6 miyon bienes den documentonan pa Securities and Exchange Comission riba diahuebs y diabierna. E benta a ser completa cu e prijs di 822.68 te cu 999.13 pa cada parti di bienes.
E homber mas rico na mundo, ken ta CEO di Tesla, a publica riba diahuebs anochi cu e no tin plan di bende mas bienes den e compania. Kevin Kaiser, profesor di finanzas na Wharton School na University of Pennsylvania a bisa cu Musk su benta ta nifica cu e ta hopi mas probabel cu e trato cu Twitter lo keda finalisa pa motibo cu esaki ta demostra cu Musk tin intencion di yega na e suma aki.
Twitter cual ta basa na San Francisco a anuncia riba dialuna cu nan a keda di acuerdo cu e compra di Musk pa e prijs di mas o menos 44 biyon dollar. Analistanan a bisa cu e trato por haci inversionistanan na Tesla nervioso cu Musk lo keda distrai den Twitter y lo bira menos activo den e maneho di e compania cu ta crea auto electrico, y cu lo mester bendeun gran cantidad di bienes na Tesla pa por financia e adkisicion. Musk ta Tesla su shareholder mas grandi.
Riba diamars, Tesla a cera 12% di e benta di bienes, cual ta e disminucion mas grandi desde dia 8 di september den aña 2020. Riba diabierna, bienes na Tesla Inc. cu ta basa na Austin, Texas tabata na benta pa por lo menos 884 dollar.
Kaiser a bisa cu e movida di bende e bienes awo, na luga di mas cerca di e tempo den cual e trato ta premira di cera ta “prudente” di parti di Musk.
