Musica a indica cu nan no ta organisa e festival di Caiso & Soca Monarch mas pa motibo di sponsor.
Esaki SMAC a bisa den un conferencia di prensa awe nochi despues a reuni cu fundacion Musica.
‘Un baño di awa friu’, presidente Randy Thiel di SMAC ta comenta riba e desaroyo aki. “Mi ta kere cu akinan e bienestar di musiconan a keda tira afo pa motibo cu a warda 12 dia prome cu e festival, pa asina bin cerca nos despues cu un tempo a pasa. Y 3 biaha nos a purba di alarg’e y toch duna e boluntad pa papia cu nan, toch esaki tabata e baño di awe friu cu e board di SMAC ta haya awe nochi”
SMAC ta pidi tur lider di e bandanan pa un reunion diabierna 11’or di mainta pa splica nan di e situacion y wak si tin interes pa organisa e festival ainda. Segun Thiel lo bay wak cuanto interes tin, pasobra ya tin musiconan cu a indica cu nan no ta interesa. Den caso cu no tin suficiente animo mayan, Thiel ta bisa, e festival lo keda cancela definitivamente.
Lesa e corant Bon Dia Aruba di diabierna pa mas detaye. Tambe por wak e video di e conferencia di prensa di diahuebs di banda di SMAC.
.JPG "Sra. Yvette Geerman di Dep. di Higiena: “Ley ta bisa cu si no tin carchi di salud na ordo, bo no por bende cuminda”")
