Rond di 24 persona a muri na India despues cu un muraya a cay riba nan durante un boda riba diaranson, segun autoridadnan. 28 otro persona a keda herida, sufriendo mastanto di heridanan riba nan cabes, segun Anil Tank, vocero di polis pa ciudad di Bharatpur a bisa CNN. E muraya aki di 27 meter no tabata suficiente stabiel mas anto pa motibo di biento duru, esaki di un rato pa otro a bini abao riba e hendenan den e fiesta. E curpanan morto mester a wordo hala manualmente despues cu coriente a bay, cual a stroba e uzo di materialnan mekanico. A saca 24 curpa for di e luga, incluyendo 11 muhe y 4 mucha.
