(NLTimes)—E Conseho di Seguridad, e conseho di alcadenan cu ta presidente di e 25 regionnan di seguridad na Hulanda, kier recorta apoyo financiero pa refugiadonan Ucraniano. “Nos ta yegando e limite, y e fin di e guera no ta cerca,” segun Wouter Kolff, president di e Conseho di Seguridad y alcalde di Dordrecht. Segun e, Ucranianonan ta opta pa Hulanda mas cu otro pais Europeo pasobra nan skema pa ayudo financiero ta mas miho, NOS ta reporta.
Diadomingo anochi, e “Ukraine Hub” na Jaarbeurs, Utrecht—un di e dos punto central unda refugiadonan Ucraniano ta bin ora nan drenta Hulanda—a acomoda 186 hende, mientras cu e tin espacio solamente pa 100. Tipicamente, hendenan ta keda un anochi den e hub prome cu nan move pa un shelter municipal, pero “reemplasamento ta birando mas dificil,” Alcalde Sharon Dijksma di Utrecht a bisa den un carta pa e Conseho di Ciudad.
“E ocupacion na Hulanda tabata halto pa varios luna, y ta necesario pa busca localidad nobo tur caminda na Hulanda. 99% di e luganan na Hulanda actualmente ta ocupa. E localidad di transferencia Jaarsbeurs ta birando mas y mas yen,” Dijksma a skirbi.
Tin actualmente 98,920 refugiado Ucraniano registra na Hulanda. Localidadnan di recepcion actualmente tin 82.890 cama, di cual 81.983 ta den uzo. E Ministerio di Husticia a puntra e 25 region di seguridad pa aumenta e cantidad di espacio pa 90.000 den e proximo simannan y despues pa 97.000, pero e aumento ta bayendo hopi slow, segun un vocero pa e Ministerio a conta NOS.
Kolff kier reduci e skema di salario pa refugiadonan Ucraniano. Ucranianonan cu ta traha na Hulanda por haya un reduccion den nan salario di gobierno pero no ta perde nan derecho pa refugio gratis. Tambe nan ta cay bao di un skema di sosten mas amplio compara cu otro buscadonan di asilo. Nan por cuminsa traha inmediatamente, y te cu 1 di october, nan tambe tabata ricibi un salario mas halto. Esaki a ser ugualisa pa aproximadamente 302 euro pa luna pa un solo persona.
