(allthatsinteresting) – Na aña 2005, dos flamingo a bula riba un anochi di tormenta y a huy for di zoologico di Sedgwick County na Kansas, Merca. A pesar di e banchinan na nan pata identificando nan como numer 492 y number 347, e parhanan Africano awo ta bibda den libertad. Pero a mira un di nan a yega te na Port Lavaca, Texas.

Segun noticiero Associated Press, David Foreman a graba e parha cerca di Rhodes Point na Cox bay. E makinista y guia di pesca tabata asombra, pasobra flamingo no ta existi salvahe den e area. “Mi cerebro tabata bisa mi, ‘loke bo ta mirando no ta un flamingo’, pero mi wowo tabata bisa mi, ‘esey ta loke e ta, no por kiboca’”, Foreman a recorda.

Foreman a manda e video na e division di Pesca na Costa di departamento di parke y bida salvahe di Texas, cu a identifica e banchi na e pata di e flamingo y a confirma cu e tabata un fugitivo for di Kansas, e cariñosamente yama ‘Pink Floyd’.

E storia ta conta cu a captura e parha pa prome biaha na Tanzania na aña 2000. Na 2003, oficialnan a transport’e hunto cu otro 39 na Wichita, unda anualmente tabata corta su hala pa e no huy. Sinembargo, na juni 2005 Pink Floyd a sconde hunto cu su amigo, number 347 y e zoologico no a corta nan halanan, y asina nan a logra huy.

Oficialnan di e zoologico a dura un siman ta purba captur’e. Pero despues di un tormenta e anochi prome cu 4 di juli, number 492 y number 347 finalmente a bandona e ciudad – riba Dia di Independencia Mericano. Maske nan a huy hunto, eventualmente e amigonan a separa.

E zoologico ta calcula cu awo number 492 ta alrededor di 20 aña di edad. Number 347 a bula bay nort y no a wordo mira mas. Sinembargo, number 492 no solamente ta visible ta prospera den temperaturanan cayente na Texas – sino tambe a mir’e cu un amigo. Specialista di rednan social di departamento di parke y bida salvahe di Texas, Julie Hagen a confirma cu a mira number 492 rond di Cox Bay durante e mesun temporada di aña un par di biaha. No solamente e ta disfruta di e awanan salo na e region, sino tambe a mir’e cu un flamingo Caribense na 2006. Maske nan ta dos especie diferente, nan ta suficiente igual cu nan ta contento di ta cu otro, segun Julie.

Bo tin un storia leuk of pret di bo mascota of otro animal cu kier comparti cu Bon Dia Aruba? Por email noticia@bondia.com.