(AP) – Oficialnan di salud Africano y e Nacionnan Uni a adverti di un posibel escasez di mas di 2 biyon hangua pa paisnan di medio y baho recurso rond di mundo, mirando cu e distribucion di COVID-19 su dosisnan ta aumentando, y vacunacionnan di rutina por keda afecta tambe.
E agencia di muchanan di Nacionnan Uni a bisa cu e escasez lo afecta te cu 2.2 biyon hangua cu ta lock nan mes pa preveni cu nan ser usa atrobe. “Nos no ta anticipando un escasez significante di e hanguanan standard cu ta mira den uso na paisnan di mas recurso,” e agencia a bisa den un declaracion. El a nombra “demanda significantemente mas halto,” interupcion den cadena di distribucion, prohibicionnan nacional riba exportacion di hangua y un cantidad inespera di vacuna como e motibonan dicon e escasez aki ta den bista.
E escasez probabel aki ta bin hunto cu e fluho constante di vacuna di COVID-19 cu a aumenta despues di lunanan di retraso den e continente Africano, e mundo su region menos proteha cu menos di 6% di su poblacion di 1.3 biyon persona completamente vacuna. Solamente 5 di Africa su 54 pais ta premira di yega e meta di completamente vacuna 40% di nan poblacion pa fin di aña.
“E scarsedad di hangua por paralisa e progreso,” e World HealthOrganization Africa su director, MAtshidiso Moeti a conta reportero riba diahuebs. Ya caba, algun pais Africano incluyendo Sur Africa, Kenya y Rwanda a mira retraso den ricibimento di e hanguanan aki, segun World Health Organization.
Vacunacion di rutina pa muchanan “lo ricibi impacto tambe,” Sibusiso Hlatjwako a bisa, ken ta miembro di e organisacion PATH, cual ta pensa cu e problema lo persisti den “aña 2022.” PATH a mira datonan di fabricante y a bisa cu mas di 100 pais den mundo ta usa e hangyuanan automatico aki afecta.
