Pa cuater ora largo, Khadeja a roga su suegro pa hib’e un hospital. E cuero na su cara y nek tabata cay. E tabata sinti dolor pisa. Esaki pa motibo cu su a tira un pochi awa cayente riba su cara y curpa parti ariba.
Su cabes abou y na yoramento, Khadeja ta corda di e momento. “E dolor, mi no por bisa con hopi dolor e ta haci”, Khadeja tabata bisa. El a logra ricibi tratamento, pero e cicatriz na su nek ta causa dificultad pa hala rosea, y su man ta deforma.
E casa, un homber kende su tata a obliga pa casa cune, nunca a responsabilisa su mes. Esaki ta violencia contra muhe ainda generalisa na e pais. E sufrimento di muhenan hoben, manera Khadeja, ta e motibo cu tin activista di derecho di muhe cu ta exigi un posicion na mesa di negociacion entre gobierno y Taliban pa e pas y futuro di Afghanistan.
Hende muhe a logra avansa desde e caida di Taliban na 2001, pero e pais ainda ta keda e pio luga pa hende muhe biba. Activistanan ta teme cu e avance cu nan a logra, por bay perdi den negociacionnan, bou presion furerte pa logra un acuerdo mientras Merca ta purba caba su participacion militar den e pais.
Taliban tabata hopi conoci pa nan represion, incluyendo e prohibicion di e educacion mucha muhe y imponiendo un Burqa riba tur aspecto di bida femenino. Pero activista ta mesun preocupa pa e otro banda. Liderazgo di Afghanistan desde e caida di Taliban ta domina pa conservadonan, caudiyonan y hombernan fuerte, kende nan actitud contra hende muhe hopi biaha ta diferente.
