No tin casi ningun informacion dispnibel di Maria Teresa Osorio de Serna, pero despues di e captura di El Chapo Guzman na Mexico siman pasa, e ta na top di e lista di DEA su mas busca, pa loke ta labamento di placa y traficacion di droga.
E muhe di Colombia aki ta conoci pa e nomber Maria Teresa Osorio de Serna, pero e ta conoci tambe pa a uza otro nombernan manera Maria Teresa Correa, Gloria Bedoya, Iris Conde y Teyer Washington den pasado. E tabata riba lista di DEA desde 2005, segun BBC mundo, sinembargo no tin masha informacion di dje, ni na su pais natal unda cu e no tin record criminal.
E ta wordo sospecha pa a laba miyones di dollar pa e famoso Medellin Cartel cu a wordo den añanan 1980 pa Drug Lord Pablo Escobar.
E pagina di DEA ta describi Sra. Osorio de Serna di tin haltura di 5 pia y peso 135 liber, cu wowo preto y cabey bruin. E ta asina dificil di haya cu hasta record di DEA ta contradici su mes pa loke ta su fecha di nacemento y su adres di mas recien. Den un file na New York nan tin poni cu e ta naci na 1950 y cu e ta biba na un adres desconoci na Colombia, y na New Jersey nan tin e naci na 1945 biba na Hialeah, Florida.
Cu e muhe misterioso awo como mas busca, tras di dje ta sigui tambe John Alexander Thomson cu ta keri di ta di herencia Africano of Caribense, cu ta trafica heroina.
