Militar di Zimbabwe a bisa cu nan tin presidente Robert Mugabe y su casa bao custodia y ta segurando oficinanan di gobierno, patruyando e cayanan di e capital despues di un anochi turbulente unda militar a tuma over. E accion di e anochi aki a trece cu ne speculacion cu lo tin un coup, pero sostenedornan di militar a laga sa cu e ta un ‘bloodless corecction.’
Soldatnan arma a staciona nan mes na areanan central den Harare, mientras cu ciudadanonan a forma liñanan largo na banconan pa saca e placa limita cu tin disponibel. Algo cu awor a bira rutinario den e crisis financiero di e pais cu ta continua.
