Robert Mueller, kende ta memey di un drama Mericano, a bari Presidente Donald Trump su declaracionnan di por haya ‘exoneracion total’ diaranson ultimo relaciona cu e investigacion federal pa haya sa si Rusia a interveni cu eleccionnan Mericano den 2016.
Despues di un dia largo di declaracionnan duna na Congreso, Mueller a adverti cu Moscu su accionnan a representa y ta sigui representa un menasa pa democracia Mericano. Mueller su aparicion sigui na Congreso ta carga un posibilidad historico: Un investigacion criminal riba un Presidente Mericano actualmente den poder. Sinembargo su declaracionnan duna na Congreso probablemente lo reforsa opinion publico riba destitucion di Trump, na luga di cambi’e.
Cu su contestanan terco, slow y tin biaha consistiendo di solamente un palabra, ademas di su actitud forsa, Mueller a haci hopi cla cu e lo kier evadi e bringamento partidiario cu ta reina den Congreso y tambe den henter e pais. E no a declara nada sugeriendo cu e lo ta na banda di e partido Democratico, cual ta pushando pa destitui presidencia di Trump, ni bayendo mucho den teritorio di e partido Republicano cual tin como meta kita credibilidad di su investigacion.
Poco poco, mas atardi, su declaracionnan a cuminsa bira mas anima, batiendo alarma pa metemento den futuro eleccion di parti di Rusia. El a bisa cu e lo tin miedo cu campañanan politico Mericano lo custumbra di tuma ayudo stranhero.
Mueller su rapport a documenta contactonan entre Rusonan y hendenan cerca na e presidente Mericano, incluyendo un reunion na Trump Tower caminda e lo a haya informacion tocante Hillary Clinton.
