(NLTimes) – Muchanan den klas 7 y 8 di scol primario, di mas o menos 10,11 y 12 aña, varios biaha ya caba a comparti potretnan di nan compañeronan di scol sin paña bisti.
Esaki ta e conclusion cu DUO Education Research and Advice y e KRO-NCRV su plataforma Pointer a sacac. Hunto nan a haci un encuesta na empleadonan di scolnan primario y secundario.
E investigadornan a puntra mas o menos 400 maestro di klas 7 y 8 tocante nan experiencia cu ‘online shaming’ (cual ta ofensanan online contra otro persona) por ehempel, e distribucion di potretnan of videonan intimo sin permiso. Casi 100 di nan a bisa cu nan mester a lidia cu esaki na nan scol den añanan reciente, kiermen practicamente un kwart di e participantenan.
Algun di e muchanan a kita nan paña dilanti un webcam, cual a ser comparti despues. Otro muchanan a ser filma den secreto mientras cu nan tabata bañando durante campamento di scol.
Di e maestronan cu mester a enfrenta ‘online shaming’, dos di cada 5 a bisa cu e frecuencia di e incidentenan aki a aumenta den e 5 añanan reciente. Casi mita di e docentenan den encuesta a bisa cu no tin acuerdonan cla tocante kico mester pasa ora cu e imagennan di un studiante circula.
Den scolnan secundario, 90 porciento di e participantenan a bisa cu nan a enfrenta ‘online shaming.’ Aki tambe, casi mita a bisa cu e fenomeno ta aumentando.
E encuesta a ser conduci den november cu 410 grupo di docentenan di klas 7 y 8, y 279 scolnan secundario cu coordinadornan di cuido y lidernan. E investigadornan a bisa cu e grupo di maestronan di scolnan primario ta representativo, pero entre e empleadonan di scolnan scundario, e ta posibel cu mas tanto e personanan cu a lidia cu ‘online shaming’ a contesta. Pa e motibo aki, e ta posibel cu imagennan intimo ta comparti menos frecuentemente den educacion secundario di loke ta aparenta den e estudio aki.
Pointer su investigacion lo ser televisa riba NPO2 diadomingo anochi.
