(NLTimes) – Un baby Hulandes, di menos di un aña di edad, a ser mata den e atake cometi pa Iran contra Irak, segun Ministerio di Asunto Exterior Hulandes a bisa ayera. Minister saliente Hanke Bruins Slot a manda yama embahador Irani pa duna un splicacion, segun el a bisa riba X.
E baby Hulandes a muri den un atake aereo Irani riba Erbil, un ciudad Kurdo den nort di Irak, Bruins Slot a bisa. “E morto di e mucha chikito aki y otro victimanan civil ta teribel. Nos tin simpatia profundo pa nan sernan keri,” e minister a bisa. “Un biaha mas mi ta condena fuertemente e atakenan di Iran na Erbil.”
E ministerio ta ofreciendo asistencia consular na famia di e baby.
Anteriormente e siman aki, Guardia Revolucionario di Iran a ehecuta varios atake cu misil riba obhetivonan na Irak y Siria. A mata cuatro civil y herida seis, segun NOS ta reporta. Mayoria di e 15 atake cu misil a dal Erbil, Kurdistan riba dia 15 di januari ultimo. E otro cuatro misil a dal nort occidente di Siria.
Ministerio Hulandes di Asuntonan Exterior anteriormente a duna su conseho mas estricto contra biahe na Irak, bisando cu niun persona mester biaha den mayoria di e pais. Esaki no a cubri un parti di e region di Kurdistan, incluyendo ciudad di Erbil. Biahe den e area aki mester continua solamente si ta absolutamente necesario.
