Un homber no identifica na e Zeeland Village na Zuidzande a duna un mucha un peluchi cu ta contene un camara y un microfon, e emisora local Omroep Zeeland a bisa.
E homber a bisa e mayornan di e mucha di dos aña cu tabata di bishita na un benta desordena cu el a pensa cu e mucha ta dushi mucha y e tabata kier a regal’e un peluchi gratis. Mas despues e mayornan a nota algo duro riba e peluchi y a descubri un camara chikito y un microfon.
E mayornan a informa Polis cu a examina e peluchi y tambe a descubri cu no tabata tin bateria den e aparato y cu e no a tuma ningun imagen. “ E no a comete ningun delito”, e Vocero di Polis Mireille Aalders a bisa e emisora. Un scenario probabel , el a bisa cu e dispositivo ta un ‘nanny cam’ y cu e homber no tabata sa cu e tabata eynan. Ta posibel cu e homber kier a haci algo agradabel. Aalders a bisa cu a yama e homber pa e check cu Polis pa clarifica e caso.
