Den siman caba habitantenan di Tanki Leendert y bisindario tabata cansa cu mester scucha explosionnan di mainta te atardi. E explocionnan a trece susto serca e habitanten ya cu esakinan tabata fuerte, cuasando e casnan pa tembla.
E motibo di e explosionnan tabata tin haber cu un compania a haci uzo di dynamiet pa kibra baranca. Desde diabierna cu a pasa, departamento di DOW a notifica esnan encarga cu e kibramento cu esaki no ta permisibel, principalmente den areanan habita. Aunke cu
Situacion
Den area di Tanki Leendert patras di Rococo Plaza tin basta baranca pa kibra y esaki lo ta parti di un projecto cu ta andando. Aunke cu DOW a informa e compania cu no por sigi cu e trabounan, tog a opta pa continua. Durante e trabounan diasabra, a causa daño na vloer di un cas pabou di unda e trabou ta andando. E persona encarga cu esaki a bandona e sitio lagando e trahadonan atras cu e situacion den nan man.
Polis a presenta y a papia cu un trahado cu a haci manera cu e no sa nada si tin dynamiet pero contrario na declaracion di e persona, a bin haya algun dynamiet hinca den e barancanan cla pa explota. Mientrastanto tabatin algun baranca cu a wordo kibra caba y hiba pa nan destino. Polis a tuma datos y avisa cu e proyecto di explosion aki no por sigui.
