Parlamento a aproba un mocion pa instrui gobierno pa conducta un investigacion forensico den DIP riba tur iregularidad den otorgamento di tereno pa cas y comercial bou minister anterior di Infrastructura Benny Sevinger (AVP).
Violacion di e plan di ordenansa ROP, cobramento di placa cerca inversionistanan (5 promil di inversion di construccion di nan proyecto), otorgamento di tereno di gobierno (erfpacht) sin conseho di DIP, ciudadanonan cu ta indica cu nan mester a paga pa haya tereno.
Esaki ta entre otro puntonan menciona den e mocion aki pa hustifica e instruccion na gobierno pa haci un investigacion. Tambe ta specifica cu mester investiga e otorgamento di casnan na Seroe Colorado. Y ta instrui gobierno tambe pa investiga con ex minister Sevinger ta ‘mal uza e clausula di maatschappelijke investering’.
Den su editorialnan Bon Dia Aruba a toca cu e tema aki mas biaha y tambe a urgi pa bin cu un investigacion (hasta parlementaire enquête ) den e maneho di ex minister Sevinger pa tereno.
