(CuraçaoChronicle) – Tweede Kamer na Hulanda lo tin un votacion awe contra of pro un mocion cu a trece dilanti den contra di e Secretario di Estado Alexandra van Huffelen ken ta encarga di Relacionnan di Reino y Digilatisacion.
E personanan cu a trece dilanti e peticion ta acusa e minister di a keda di acuerdo na ‘eID’, un tipo di Digid Europeo, cual ta un plataforma unda cu agencianan di gobierno di Hulanda, incluyendo administracion di impuesto, aduana y Dienst Uitvoring Onderwijs ta usa pa verifica identidad di residentenan Hulandes riba internet. Esaki ta contra di e deseonan di e cas. Aunke varios partido no tin un bon palabra pa describi Van Huffelen su accionnan, e mocion lo casi ciertamente no pasa.
Algun dia prome cu Van Huffelen a bay Brussels, el a manda un carta na e cas unda cu el a informa cu e lo descarta e mocion aki. El a haci esaki riba diabierna anochi. Prome cu e cas por a duna un declaracion na e siguiente reunion (cual lo a ta diamars), e Secretario di Estado ya caba a duna su aprobacion na e coleganan den e Union Europeo.
“El a haci videonan na e sitio pa promove su mes, pero no a menciona cu e ta haciendo algo cu ta contra di e deseonan di e parlamento cu a ser elegi,” Renske Leijten di partido SP a bisa durante un debate siman pasa. Otro fraccionnan politico, incluyendo e partido den gabinete ChristenUnie ta rabia cu Van Huffelen. Pieter Omtzigt te hasta a conclui cu e ta actuando den contra di e violacion di e constitucion.
Van huffelen a argumenta cu el a haci su miho esfuerso pa trece atnecion na e cas su obheccionnan na eID.
