Notre Dame a pega na candela riba dialuna pa un causa desconoci. Miyones di euro ta comprometi pa yuda reconstrui e catedral despues cu e candela a destrui e catedral Frances den centro di Paris.
A declara fin di e candela despues di 15 ora. E dak di e edificio a cay abou, despues di 850 aña di existencia. El a collapse. Pero brandweer cu a traha durante anochi a yuda salba structura di e sitio iconico di Paris, incluyendo dos toren.
E causa di e suceso no ta conoci ainda. Fiscal publico di Paris, Remy Heitz, a bisa cu en teoria ta trata di un accidente, pero el a asigna 50 persona pa traha un investigacion ‘largo y compleho’.
Otro oficial a sugeri cu e candela por ta den conexion cu renobacion extenso cu ta tumando na e catedral. E pensamento ta keda con lo reconstrui e Notre- Dame.
Presidente di Francia, Emmanuel Macron, a priminti cu lo reconstrui e edificio historico. Un cantidad di compania y negoshi a priminti cu lo duna como 600 miyon di euro entre nan.
Yudansa pa reconstruccion tambe a ser entrega rond di mundo, cu presidente di conseho Europeo, Donald Tusk, a yama miembro di Union Europeo pa uni na e esfuerso.
