Australianonan a vota na fabor di legalisacion di matrimonio di mesun sexo, y na grandi. E postal vote a mustra 61.6% di hende cu ta na fabor pa permiti parehanan di mesun sexo pa casa, segun ABS (Australian Bureau of Statistics.) Tur hende a celebra na grandi riba caya den areanan publico, cu nan bandeanan cantando y bailando. Un mocion pa cambia e ley a wordo introduci diaranson.
E lo ta awor den debate pa wordo implementa. Prome minister Malmolm Turnbull a bisa cu su gobierno lo concentra riba pasa e legislacion na parlamento pa temporada di Pasco. “Miyones di Australianonan a resona nan bos y vota pa igualdad,” el a bisa despues di e anuncio di resultadonan.
Fuente: BBC
