E riu cu ta tene gran parti di awa di Merca ta sigui core mas halto di lo normal. E ta un menasa pa New Orleans awo cu temporada di horcan ta intensifica.
For di varios luna, un volumen grandi di awa ta pusha contra e muraya cu ta proteha e ciudad cu ta bou di nivel di lama di yena cu awa. E riu a pasa mas di 3.4 meter riba e nivel di lama durante un record di 292 dia.
Experto a cana cerca di muraya for di Baton Rouge te cu New Orleans pa mira e riu. Esey a pasa pa motibo cu tormenta tropical Barry a menasa Louisiana luna pasa. Pero e daño ta core abou, segun experto.
Vocero di Oficina di Cuerpo di Ingeniero Militar di New Orleans, Ricky Boyett, a bisa cu nan ta confia cu e muraya di e riu ta den condicion excelente y renobacion a tuma luga na 2011. Inspector ta check dos bes pa siman pa detecta cualkier problema cu confronta.
Sinembargo, expertonan ta studia cu un fluho grandi di awa por trece riesgo cu e riu sigui subi e muraya di New Orleans. Un horcan di categoria 4 ta yega e costa di Louisiana cu por produci como 6.1 meter di awa, segun administracion nacional di ocean y atmosfera.
