Consulado General Mericano na Corsou ta complaci di anuncia e yegada di Sr. John McNamara como Consul General di Merca pa Corsou y Hefe di Mision pa Aruba, Bonaire, Corsou, Saba, Sint Eustatius y Sint Maarten.
Sr. McNamara ta un Senior Foreign Service Officer di Departamento di Estado Mericano. El a asumi su cargo como Hefe di Mision Mericano y Consul General riba su yegada na Corsou, dia 4 di september 2024.
Mas recientemente, Sr. McNamara tabata Deputy Chief of Mission y Charge d’Affaires di embahada Mericano na Lima, Peru. Otro tournan den exterior ta inclui na e embahada Mericano na Bogota, Colombia, unda Sr. McNamara a fungi como Consehero Politico durante e ultimo dos aña di negociacion di paz di gobierno Colombiano cu e Forsanan Arma Revolucionario di Colombia (FARC). E tambe a fungi como Consehero Provincial na Babylon, Irak, y despues na e embahada Mericano na Baghdad. Den dos tour di Afghanistan, el a sirbi den e Team di Reconstruccion Provincial Kandahar y na e embahada Mericano na Kabul.
Durante asignacionnan na Washington, DC, Sr. McNamara a duna les na e Universidad di Defensa Nacional, a traha dos biaha den Oficina di Asunto Mexicano di Departamento di Estado, y tabata e Senior Desk Officer di e departamento pa Venezuela.
Sr. McNamara a logra su diploma di Bachelor of Science na Academia Militar Mericnao na West Point y su Master of Arts for di e Scol di Comando di Ehercito y Staf General Mericano. E ta domina idioma Spaño.
Ta desea Consul General y Hefe di Mision McNamara un caluroso bonbini.
