(NLTimes)–Aproximadamente 145 soldaat for di e Brigada Aereo Hulandes a cuminsa un mision nobo na Irak. Nan tarea ta pa proteha e consultantenan di e mision di NATO den y rond di e capital, Bahgdad. Tensionnan den e pais a aumenta desde e cu e guera na Gaza a cuminsa.
E compania Hulandes ta completo desde dialuna. E mision di NATO ta diseña pa fortalece e sector di siguridad na Irak. Dia 1 di mei, General di Brigada Hulandes, Cas Schreurs, lo bira comandante di e mision. Defensa tambe lo manda tres helicopter di transporte cu un destacamento di 120 persona.
Minister di defensa demisionario Kajsa Ollongren a bishita e mision nobo dialuna. “E inkietud den Irak y tur caminda den e region ta subraya e importancia di nos presencia,” e minister a bisa riba X. E tambe a consulta cu prome minister Mohammed Shia al-Sudani, entre otro.
E nivel di menasa ta halto den e pais. Basenan militar Mericano eynan a ser ataca regularmente desde e guera na Gaza. Militantenan pro-Irani ta responsabel pa decenas di atake. Iran tambe a lansa misilnan den Irak siman pasa.
Defense ta kere cu e atakenan militar lo continua tanten cu e guera entre Israel y Hamas continua. Medidanan di siguridad adicional a ser tuma na e basenan. “E medidanan aki ta provee suficiente proteccion pa personal y ekipahe pa awo,” e gabinete a skirbi parlamento luna pasa. Si e asunto escala, e mision di NATO lo ser reduci proporcionalmente.
Soldaatnan Hulandes ta activo na Irak pa algun aña caba. Den e ultimo añanan cu a pasa, nan tabata envolvi den, entre otro, proteha e aeropuerto internacional di Erbil y train combatientenan Kurdo.
