Secretario di defensa na Merca James Mattis a laga sa diabierna cu e no ta kere cu Noord Korea tin e capabilidad pa nan misilnan balistico intercontinental yega teritorio di Merca. Noord Korea su November ICBM ‘ainda no a mustra cu e tin e capacidad pa ta un menasa pa nos na momentonan aki,’ Mattis a bisa durante un briefing cu reporteronan na Pentagon sin ningun transmision. El a agrega cu Merca ainda ta analisando e situacion. Nan ta examinando analisis forensico cual por tuma un tempo segun e ta bisa. Pyongyang a test misilnan nobo riba 28 di november cu a bula mas halto y leu cu cualkier otro cu nan a lansa anteriormente.
Akinan Mattis a notifica cu e misil aki a refleha cu N. Korea ta trahando riba un research y programa di desaroyo pa produci un misil cu por dal na cualkier parti na mundo, y di e manera aki “continua di bira un menasa pa paz global y regional, anto seguramente pa Merca.”
Fuente: CNN
