23aug, JO, Reunion (4).JPG

A vota pa mira si ta bin cu un posponemento pa contesta e preguntanan di cual despues cu tur parlamentario a vota e resultado ta 18 pro y 1 contra pa pospone e reunion. Ministernan ta indica cu no ta cla pa contesta ainda. Dialuna 29 augustus 10’or di mainta e reunion publico lo continua

 

Punto di ordo Parlamentario Sra. De Sousa – Croes

“Tur derecho cu ta wordo duna na personanan cu ta casa aki na Aruba ta wordo duna na personanan cu cera un geregistreerd partnerschap, pasobra sino no tin igualdad. Si bo mester bay piki den un ley aki, aya, svb, impuesto, protocol hospital etc. Mi kier a corda tur hende presente cu pa cachonan riba nos isla tin ley. Nos isla a paga ley pa cacho anto awo nos kier bisa cu e ley aki a pasa door di porta patras, e ley aki no a pasa e caminda corecto.” Sra. De Sousa – Croes a puntra presidente di Parlamento kico ta e caminda corecto di un amienda. No ta asina cu ta entrega durante di un tratamento, no ta asina, asina cu ta prome biaha den historia di Aruba cu a entrega un amienda 7 siman prome cu e tratamento, nunca antes prome esey a pasa. Y ainda tin hende cu tin cuero di cara pa bisa cu el a bin mucho lihe.  A lesa amienda cu a vota riba den 1 ora despues den Parlamento.

 

Harimento den audiencia

El a sigui bisa cu e amienda ta grandi y e ta cambia hopi, nos no sa e efecto cu e lo tin riba nos pot social. E ta sumamente importante pa e grupo cu ta pidi igualdad, pa e grupo cu no ta kere den dje, lo mi mester haya un splicacion. Kico igualdad pa nos, ta significa pa bo. Kico si ami por regla mi asuntonan cu mi pareha cu mi stima ta significa pa bo.

 

Mientras cu Sra. De Sousa – Croes tabata papia, un grupo den e audiencia a cuminsa hari duro y tabata mustra di no ta duna balor na locual e parlamentario ta bisa. “Nos a tende un grupo cu ta hari den publico, y e tristo di esaki ta cu e grupo aki hopi biaha e grupo aki ta ‘claim’ di ta Cristian. Ta bay misa, resa y cay na rudia. Un persona cu por hari barica yen y kere cu otro ta menos cun’e mi no mester bisa kico e ta, esey ta bisa tur cos di dje.”

 

Den e amienda ta bisa cu un matrimonio ta entre un homber y un muhe, geregistreerd partnerschap (GP) ta entre 2 persona, esey kiermen cu e por ta entre un homber y un muhe of dos homber y dos muhe. E posibilidad pa adopta nunca tabata den e amienda pa e pareha den GP, ademas e no ta necesario pasobra ki na Aruba bo por adopta como un solo persona. Cada un di nos como politico ta lider den comunidad y mester cana dilanti y habri caminda pa pueblo. Na momento cu tin Arubiano cu mester bay den reino pa casa (cada luna 2-3 pareha), nan mester seya nan felicidad pafo di Aruba. Si nos no por mira cu esey no ta corecto, mi no ta sa pakico mester keda splica. Rubianonan cu ta paga impuesto, cu a vota, conseheronan, profesionalnan entre otro. E parlamentario a mustra riba e aspecto inhusto cu e ta di opinion cu tin pa con pensioen ta wordo regla, esta cu actualmente e partner di un LGBT no tin derecho riba esaki den caso di fayecimento.

 

Prome reunion a inicia

 

Reunion publico a cuminsa mas cu 1 ora laat pa motibo di un black out cu tabatin den Parlamento. Unabes cu a cuminsa cu e reunion, Minister encarga cu husticia Arthur Dowers y lider di fraccion berde Rene ‘Baba’ Herde a propone pa suspende e reunion pa motibo cu entre otro ainda ta haci falta di algun preparacion y informacion pa por trata cu e amienda debidamente di parti gobierno. Segun Sr. Herde, e proceso di contesta y proposicion di banda di gobierno no ta ariba mesa, consecuentemente ta dificil pa Parlamento tuma un decision pues a insisti pa suspende e reunion. Presidente di Parlamento Marisol Lopez- Tromp sinembargo a dicidi di continua e reunion. Cual no a tuma luga, y presidente di Parlamento despues di tende nan motibo nan a bisa cu no por separa e parti chikito di e amienda como e ta keda na esun cu a entrega e amienda pa bisa si e no ta kere cu e amienda ta cla pa wordo trata y tambe cu tin hopi otro instancia den espera pa e cambionan wordo trata, pues e presidente a bisa cu pa para esaki no ta na su luga

 

Contesta Parlamentario Desiree de Sousa Croes: “Mi ta kere cu berdad mester pensa cu si gobierno por introduci esey, e ta elegante pa haci. Un derecho cu ta wordo posponi ta un derecho nenga. Anto mi ta kere cu e grupo cu a bin awe kier tende kico parlamento ta bay haci cu nan derechonan. Mi no ta kere cu Desiree Croes su opinion t importante aworaki mas, mi ta kere cu importante aworaki ta opinion di e grupo cu ta sinti cu nan a warda mucho hopi riba un derecho Mi no por pidi posponemento”.