WILLEMSTAD – Dia 2 di juni 2012, ta un fecha cu tur hende tin di corda. Riba e fecha aki, t’ey lanta e disputa mas importante riba morto di Helmin Wiels.

E matutino Vigilante, e tempo ey tabata e prome medio di comunicacion cu a splica e relacion entre holoshi y morto di Helmin Wiels. Kico en berdad oloshi tin di haber cu morto di Wiels?

E fecha 2 di juni 2012 
Helmin Wiels su morto a tuma luga a consecuencia di combersacionnan el a hiba cu e team chef di RST na 2012-2013, Eric K. Kade Wilsoe, ruman homber di Helmin Wiels y funcionarionan di RST e tempo ey tur a confirma cu Helmin Wiels a papia cu Eric K. Hasta Wilsoe a puntra Wiels dicon e ta papia cu RST y Wiels a splik’e cu Eric K., tabata ke un posicion den husticia despues cu su periodo finalisa na RST como chef. Temporada cu Wiels tabata papia cu RST den secreto, e guera entre MFK y Pueblo Soberano tabata na e nivelnan di mas halto.

Na mesun momento cu Helmin Wiels a hiba combersacionnan cu RST, tabatin un investigacion andando riba robonan di holoshi di marca. Ta trata di e.o. atraco nan comete na Aruba y na Corsou. E atraco nan tabata bou di arma pisa y bon ehecuta, na nivel profesional. E organisacion di Koral Specht y bisindario, envolvi den e robonan, a bin ricibi e informacion cu Helmin Wiels, lo tabata trata na pone un relacion entre Jorge Jamaloodin y compra y benta di e oloshi nan horta. E informacion a bin lek via di un otro alto funcionario den RST yiu di Corsou, cu tin vinculo cu esunnan kende tabata cumpra e holoshi nan procedente di robo y atraco. Pa tal motibo, 6 aña despues riba 19 di januari 2019, Ministerio Publico y Procurador General pa prome biaha a schuif nan fecha di acusacion hiba te na 2 juni 2012. E ilustracion den e articulo ta un documento presenta na corte 19 di januari 2019 ultimo, unda Ministerio Publico ta splica cu planificacion di e morto di Helmin Wiels a tuma luga for di juni 2012. Esaki ta segun e fuente Vigilante.

Riba e fecha en kestion, Ministerio Publico ta sospecha tambe cu preto Florentina a bay cas di Jorge Jamaloodin. Pero prome di a bay cas di Jorge Jamaloodin, segun Ministerio Publico, riba mesun dia, esta 2 di juni 2012, Florentina den compania di otro a roba un joyeria na Renaissance Mall na Corsou. Un testigo anonimo, kende ta bisa di a mira cu su wowonan, a declara presencia di Pretu Florentina na cas di Jorge Jamaloodin algun ora despues di e robo na Renaissance Mall.  Pa tal motibo den un comunicado, Corte ta confirma cu Jorge Jamaloodin a acerca Pretu Florentina prome y despues Florentina a acerca Nini Fonseca. Corte ta referi na e speculacion cu ta riba e anochi en kestion, esta 2 di juni 2012 tur cos a cuminsa pa plania asesinato di Helmin Wiels. Pero tin un con funcion grandi den e caso. Corte ta papia di un atraco na januari 2011 den su veredicto, mientras Ministerio Publico ta referi na un atraco riba 2 di juni 2012.

Den ambos caso, ta importante pa realisa cu tanto Corte di Husticia como Ministerio Publico ta pone relacion entre oloshi y asesinato di Helmin Wiels. Ambos instituto hudicial, ta referi na Pretu Florentina como e organisado di e atraco nan, mientras den e proceso contra di Jamaloodin tin declaracion unda nan ta pone un relacion entre Pretu Florentina y despues tambe Nini Fonseca. Awor ta di puntra ta con e robonan di holoshi por a conduci na morto di Helmin Wiels. Na november 2015, Vigilante a post un noticia riba su Facebook, alegando cu dos persona en baho mundo, relaciona cu robo di oloshi tabata envolvi den asesinato di Helmin Wiels y cu defunto Florentina tabata uno kende a hasta pre financia e asesinato. Riba 180 comentario a mustra nan mal contento splicando cu ta un noticia fabrica pa despista e investigacion. Entretanto, despues di 5 aña cu Wiels muri, Corte di Husticia y Ministerio Publico no por los e morto di Wiels mas cu e robonan di oloshi. Y segun Ministerio Publico tur cos a cuminsa riba 2 di juni 2012, dia defunto Pretu Florentina a ofrece e holoshinan horta di Renaissance na actual sospechoso Jorge Jamaloodin.