Ministerio Publico (OM) ta na haltura di Panama Papers, su vocero Ann Angela ta bisa Bon Dia 24. Pero te ainda no tin algo concreto conoci cerca nan pa cu compania sea cliente Arubano sospecha.
Prome ta na Belastingdienst pa evalua e importancia di Panama Papers pa cu Aruba, segun OM. Si for di nan investigacion lo sali cierto acusacionnan cu tin consecuencia penal, e ora OM lo bay wak kico lo bay haci.
Manera Bon Dia a publica diamars, OM ya tabatin un persecusion di labamento di placa por medio di un compania Panameño.
Minister di Financia Angel Bermudez a bisa Ret Karibense cu den caso tin compania/cliente Arubano di e oficina Panameño Mossack Fonseca envolvi den cosnan ilegal, lo actua contra nan.
