Den e caso di e hoben suicida, polis tecnico a haci investigacion amplio na e sitio y a base di esey no a haya ningun motibo pa sospecha cu un persona lo a comete un hecho castigabel cu a hiba na su morto. Esaki ta informacion di Ministerio Publico
Vocero di Ministerio Publico Ann Angela a bisa cu OM a tuma nota di e carta di e famia di Mia Bencosme Ortiz cu a wordo publica den diferente medio di comunicacion unda cu nan ta expresa nan mes y nan pensamento tocante e hecho cu Mia a comete suicidio. Y cu nan lo busca prueba pa mustra esaki. Segun OM ta splica, e curpa di e hoben a wordo tuma den beslag e mesun dia cu a haye, dialuna mainta patologo a wak e y e curpa a wordo duna liber mientrastanto. Segun Sra. Angela Fiscal ta spera pa patologo pone e resultado riba papel tambe, el a conclui.
