E departamento di ministerio publico Hulandes a lansa un campaña pa aumenta consciencia publico tocante di e presencia di laboratorionan di droga ta hole manera cu ecstasy.
XTACY, presenta den un boter vierkant similar na esun di Channel No 5, a ser lansa fin di siman ultimo na e capital di Brabant na Bosch. Ta bisa cu e providencia di Noord-Brabant tin e concentracion di mas grandi di laboratorio di droga na Hulanda.
“E holo ta esun mas importante na unda cu personanan por reconoce un laboratorio di ecstasy”, Fiscal general Antoinette Doedens a bisa. “Pa e motibo aki nos kier plama e holo rond di e pais, pa asina tur hende sa kico pa tene bista riba dje”.
Funcionarionan ta spera cu publicando e holo, mas persona lo bin dilanti cu tipnan tocante laboratorio di droga of e sitio di dump di kimiconan. E publico ta atento di e peliger cu ta presenta pa motibo di laboratorionan di droga, particularmente e riesgo di explosion y emisionnan di gas dañino, e departamento a bisa.
E prome cos cu ta yega na bo nanishi ta anis y e ta bira un poco mas marga” Lisette Kraaijenhagen di SmartNose un compania cu a traha e holo a bisa. “Anis ta e berdadero señal revelado”.
E boter di e fragancia ta ser distribui na wardanan di polis rond di Hulanda pa asina funcionarionan por lansa nan propio campañanan di sensibilizacion publico. Aña pasa polis a kibra 125 laboratorio di droga na Brabant y 57 na Limburg, compara cu 136 na resto di pais.
