(NLtimes) – Ministerio di Husticia y Seguridad no tabata altanto cu nan ta usando caha fuerte traha den un fabrica cu ta pertenece na un Ruso cu tin lasonan cercano na e Kremlin.
Nan a nenga di tin conocemento tocante esaki ora cu Omroep Gelderland a bisa cu awo nan lo investiga si cualkier regla di sancion a ser kibra a causa di esaki. Otro ministerionan tambe ta cliente di e compania aki.
E cahanan fuerte crea pa Promet, un compania cu tin fabrica na Rusia y Bulgaria. El a ricibi e pedido for di firma di seguridad Nauta Security for di Barneveld.
Nauta a responde na e noticia pa medio di bisa cu nan a cumpra e cahanan fuerte cu a ser traha na fabricanan di Bulgaria. Sinembargo Omroep Gelderland a obtene cartanan di exportacion cu ta demostra cu e cahanan fuerte tambe a ser munistra pa Rusia te cu e invasion di Ucrania den 2022.
Ora cu Omroep Gelderland a mustra Nauta e resultadonan, nan a responde pa medio di bisa cu esaki no ta un problema actualmente. “Nos no a presta atencion na esaki, parcialmente pa motibo cu no tabatin sancion implementa na e momento y Promet Russia tabata un miembro di ECB-S. E cahanan fuerte certifica, pa e motibo aki, tin un certificado Europeo.”
E doño di e fabricanan en cuestion ta Evgeniy PEtrov, ken tin alsonan cercano cu confidentenan di e President di Rusia Vladimir Putin. Esaki a ser informa pa un reportero investigativo Sergey Ezhov cu recientemente a publica un articulo den The Insider.
GroenLinks-PvdA su parlamentario Esmah Lahlah tabata critico contra e gobierno ora di tende e noticia. “E noticia cu gobierno a cumpra caha fuerte di un compania cu lasonan na e Kremlin ta inaceptabel. Mientras cu porta no a viola sancion, esaki ta demostra un falta serio di cautela y direccion moral. Den un momento unda cu Rusia ta den guera, no mester tin laso economico na companianan cu por potencialmente contribui na Putin su regimen.”
