Minister Hulandes pa Educacion Primario y Secundario, Arie Slob, ta spera cu mas alumno lo mester ripiti un aña of inscribi den programanan di catch-up (remedial) despues di un aña di ceramento di scol y aprendisahe a distancia pa motibo di pandemia di coronavirus, el a bisa na NOS Radio 1 Journaal.
“Nos ta trahando riba un programa nacional grandi pa loke ta trata educacion despues di corona. Pero awo nos ta mirando retrasonan y mi no ta kere cu ta realistico pa elimina e retrasonan aki den e aña academico aki”, Slob a bisa. “Tambe ta bon pa kita un tiki presion for di e muchanan mes.”
Segun Slob, muchanan no mester e presion adicional di biba cu e idea cu nan mester catch up riba tur loke nan a perde durante e pandemia prome cu berano. E minister ta spera cu por skirbi examennan final central den scol secundario e aña aki, a diferencia di aña pasa na momento cu muchanan a bay over of keda sinti principalmente basa riba nan prestacion na scol y examen. Pa facilita esaki, ya el a duna scolnan mas tempo y espacio pa conduci examen di scol. “Pero awo nos ta evaluando si mester algo adicional”, el a bisa e noticiero.
Slob ta spera cu lo tin mas claridad riba esaki proximo siman. E tin hopi consulta cu organisacionnan escolar na e momento, el a bisa. “Nos mester bira hopi specificamente cada studiante: cu kico nos mester haci mas? De lo contrario, nan por haya problema na un etapa despues. Pues nos mester evalua kico ta responsabel.”
