Durante conferencia di prensa minister Xiomara Ruiz-Maduro a trece dilanti cu na entrada di e gobierno actual, nan a haya un situacion financiero cu no ta uno facil, pero asina mes gabinete Wever-Croes a bin ta haciendo un esfuerso pa por trece alivio na beneficio di nos comunidad.
Xiomara Riuz Maduro a trece dilanti cu Gabinete Wever-Croes a duna varios beneficio, y pa locual ta nos grandinan. gobierno a percura pa duna rebaho di prima di AZV cu 4%, tambe nos pensionadonan a haya un aumento di Reparatietoeslag di 25 florin pa luna.
Pa locual ta esunnan cu ta cobra pensioen y ta soltero, a aumenta nan pensioen cu 25 Florin. Parehanan cu ta cobra pensioen, gobierno a duna un aumento di 42 florin; y pa locual ta nos pensionadonan, nan a conoce un rebaho di impuesto riba entrada. Cu e beneficionan duna, gabinete Wever-Croes ta demostra cu e maneho cu e gobierno ta hiba ta pa pone e ser humano central y e pensionado ta parti di esaki.
