Minister Xiomara Maduro: E ultimo rapport di IMF ta confirma cu Gabinete Wever-Croes a hiba un maneho financiero y economicamente responsabel

Si no ta pa e pandemia, awe Aruba lo a conoce surplus despues di 12 aña. Recientemente IMF a publica su rapport di nan evaluacion financiero y economico di Aruba den nan Article IV Mission di nos Pais. Den e ultimo rapport aki, IMF ta confirma cu GabineteWever-Croes a hiba un maneho financiero y economic responsabel. Si no tabata pa e pandemia, awe Aruba lo a conoce un surplus despues di 12 aña cu nos Pais a conoce solamente deficitnan.

Den su rapport, IMF ta verifica cu e maneho financiero y economico di Gobierno tabata bay den bon direccion. E caminda cu GabineteWever-Croes a scoge pa baha debe y traha riba diversificacion di economia tabata uno prudente y corecto. A haci un trabou grandi pa baha un deficit cu a yega te na 444 miyon na aña 2012 na un surplus di 46 miyon florin na aña 2020 promer cu COVID19 a bati na porta di Aruba.

Aunke cu awor aki nos ta bolbe bay core algun aña cu deficit, GabineteWever-Croes a sa di traha un fundeshi fuerte pa Aruba su finansa publico. Ta di spera cu pronto Aruba su economia por reactiva y cu nos por yega atrobe na nivelnan responsabel di deficit sigui atrobe pa surplus den un future cercano.

E rapport di IMF por keda lesa via e link:

https://www.imf.org/en/Publications/CR/Issues/2021/04/21/Kingdom-of-the-Netherlands-Aruba-2021-Article-IV-Consultation-Discussions-Press-Release-50175