E siman aki, Minister di Finanzas a reuni cu APFA y a trata varios tema. Entre nan, e mandatario a wordo informa riba e situacion financiero di e instancia cu ta maneha e fondo di pensioen pa empleado publico di Gobierno.
E fondo a recupera mas lihe cu premira debi na inversionnan haci y den 2019 pa prome biaha ta surpasa e 100% di e cobertura necesario. Ta importante pa remarca cu si e fondo sigui den bon caminda, esaki lo por crea suficiente reserva pa asina por bay over na indexa e pensioennan.
Si ta asina cu e fondo por lo pronto no ta fuerte suficiente pa por wanta un aumento nominal di pensioen.
Den cuadro di baha gasto di personal, Gobierno hunto cu APFA, ta haciendo un sondeo tambe pa wak con por logra pa e empleado publico por baha cu pensioen mas prome. A primera bista tin un grupo di 177 empleado publico cu ta bin na remarca. Maduro a trece dilanti cu gobierno ta trahando riba e condicionnan pa asina despues acerca e grupo aki cu un proposicion.
